الأسئلة الشائعة

الطلب والتصنيع

كيف أطلب لوحتي؟

اختر التصميم، ثم الخامة والإضاءة، واكتب بيانات لوحتك في الخانات، وأضفها للسلة وأكمل الدفع. وتوصلك رسالة تأكيد الطلب على جوالك أو بريدك.

هل اللوحات جاهزة أو تُصنع بعد الطلب؟

كل لوحة تُصنع لك بعد طلبك، ببياناتك والخامة اللي تختارها. ما عندنا لوحات جاهزة على الرف.

هل أشوف التصميم قبل التنفيذ؟

نعم. قبل ما نبدأ التصنيع نتواصل معك ونأكد معك النص وكل التفاصيل. ونقدر نصمم لك مجانًا صورة لواجهة منزلك مع اللوحة قبل التنفيذ، أرسل لنا صورة الواجهة على واتساب 966559009076+.

كم ياخذ الطلب؟

نجهز اللوحة خلال 3 أيام عمل تقريبًا بعد اعتمادك للتصميم، وتوصلك بعدها خلال 2–3 أيام عمل داخل المملكة حسب شركة الشحن.

أقدر أعدل طلبي بعد تأكيده؟

تقدر تعدله قبل ما نبدأ التصنيع، فتواصل معنا بأسرع وقت.

أقدر أتتبع طلبي؟

نعم، أول ما نشحن طلبك يوصلك رقم التتبع.

وش أسوي إذا تأخر طلبي؟

تواصل معنا برقم الطلب ونتابع مع شركة الشحن. وإذا تأخر التسليم أكثر من 15 يومًا عن الموعد المتفق عليه، يحق لك إلغاء الطلب واسترداد كامل المبلغ.

العنوان الوطني والمقاسات

وش أكتب في خانة العنوان؟

العنوان الوطني المختصر: 4 حروف إنجليزية ثم 4 أرقام، مثل ABCD1234. ما تعرفه؟ اكتب رقم واتسابك في نفس الخانة ونساعدك تستخرجه.

كيف أعرف عنواني الوطني المختصر؟

تلقاه في خدمة العنوان الوطني لدى البريد السعودي «سبل»، أو اكتب رقم واتسابك في خانة العنوان ونساعدك.

هل العنوان الوطني هو رقم المنزل؟

كانت المنازل قبل تُرقّم حسب الحي، وبعدها صار ترقيم المنازل من خلال العنوان الوطني.

أصمم لوحتي بالرقم القديم أو بالعنوان الوطني؟

نقترح الرقم اللي تستخدمه منازل جيرانك، عشان يسهل على المندوب يوصل. وبعض تصاميمنا تجمع رقم المنزل والعنوان الوطني في لوحة وحدة.

عندي بابين، أقدر أركب لوحة عند كل باب؟

نعم، اطلب لوحتين بنفس البيانات.

تساعدوني أختار المقاس المناسب؟

نعم ومجانًا. أرسل صورة واجهة منزلك مع الباب على واتساب 966559009076+ ونقترح لك المقاس الأنسب.

الخامات والإضاءة

هل اللوحة تتحمل الشمس والمطر؟

نعم، خامات لوحات الواجهات مقاومة للعوامل الجوية: حديد أسود غير لامع بسماكة 1.5 مم، وأكريليك أسود لامع بسماكة 6 مم، وستيل فضي (316)، وستيل ذهبي (304).

هل اللوحة مضيئة؟

الإضاءة مجانية واختيارية في أغلب التصاميم: LED خلف اللوحة يطلع نورها من الحروف في المساء. وتحتاج مصدر كهرباء قريب من مكان اللوحة، ونرسل لك وصلة كهربائية تنربط بسلك الكهرباء في موقعك.

التركيب والتوصيل

هل التركيب متوفر في مدينتي؟

خدمة التركيب متوفرة في المدن التالية: الرياض، جدة، مكة المكرمة، المدينة المنورة، الدمام، الخبر، الأحساء، القطيف، الظهران، سيهات، أبها، خميس مشيط. وفي حال اختيار خدمة التركيب، سيتواصل معك فني التركيب في مدينتك. ونشحن لكل مدن المملكة ودول الخليج، وتوصلك اللوحة ومعها مسامير التثبيت.

توصلون لكل مدن المملكة؟

نعم، نوصل لكل مدن ومحافظات المملكة.

توصلون لدول الخليج؟

تواصل معنا على واتساب قبل الطلب، ونأكد لك التوفر وتكلفة الشحن.

الدفع

وش طرق الدفع المتاحة؟

تظهر لك كل الطرق المتاحة في صفحة إتمام الطلب، مثل: مدى، فيزا، ماستركارد، Apple Pay، STC Pay، والتحويل البنكي.

هل الدفع آمن؟

نعم، الدفع يتم عبر بوابات دفع آمنة، والاتصال بالمتجر مشفّر، وما نحتفظ برقم بطاقتك.

فيه دفع عند الاستلام؟

إذا كان متاحًا لطلبك يظهر لك في صفحة إتمام الطلب.

الاستبدال والاسترجاع

متى يحق لي الاستبدال أو الاسترجاع؟

اللوحات المصنوعة حسب الطلب ما تُستبدل ولا تُسترجع إلا إذا وصلتك معيبة أو مخالفة للمواصفات اللي أكدتها، مثل خطأ في الأرقام أو الحروف أو اختلاف التصميم أو الخامة، وفي هالحالة نعيد تصنيعها أو نرجع لك المبلغ كامل بدون أي رسوم. أما المنتجات الجاهزة (مثل جرس الباب الذكي) فيحق لك إرجاعها خلال 7 أيام من استلامها إذا ما استُخدمت. التفاصيل في سياسة الاستبدال والاسترجاع.

وش أسوي إذا وصلتني اللوحة تالفة أو غير مطابقة؟

تواصل معنا بعد الاستلام مباشرة على واتساب 966559009076+ أو البريد [email protected]، وأرسل رقم الطلب وصورًا واضحة.

كم ياخذ الاسترداد؟

يرجع المبلغ بنفس وسيلة الدفع، ووصوله لحسابك يعتمد على البنك أو مزود الدفع، وفي البطاقات قد يحتاج حتى 14 يوم عمل.

الحساب والتواصل

لازم أسوي حساب عشان أطلب؟

لا، تقدر تطلب بدون حساب. والحساب يسهّل عليك متابعة طلباتك وحفظ عناوينك.

كيف أتواصل معكم؟ ومتى أوقات العمل؟

واتساب 966559009076+ والبريد [email protected]. نعمل من 9 صباحًا حتى 9 مساءً بتوقيت السعودية، وقد تختلف الأوقات في الإجازات الرسمية.